Дырэктар Музычнага тэатра Аляксей Ісаеў пайшоў у адстаўку

Мая Янсан: “5 лютага нас склікалі на агульны сход. Прыехаў Уладзімір Карачэўскі з Упраўлення культуры і прадставіў нам нашага новага дырэктара спадара Пятровіча. Нам паведамілі, што ў тэатры будуць новыя прызначэнні. Мы спадзяемся на тое, што наша тэатральнае жыццё зменіцца толькі да лепшага, спадзяемся на ўзнаўленне гастрольных паездак, на пастаноўкі новых спектакляў. Мы спадзяемся на цікавага балетмайстра. Вельмі б хацелася, каб вярнулася нашая дарагая Ніна Дзячэнка, якая была вымушаная звольніцца па асабістых матывах”.

Па неафіцыйнай інфармацыі, Аляксей Ісаеў у сярэдзіне студзеня сам папрасіўся ў адстаўку. У Міністэрстве культуры яго просьбу нечакана задаволілі.

Як распавёў Еўрарадыё начальнік аддзела мастацтваў Мінгарвыканама Ўладзімір Анціповіч, новы дырэктар Аляксандр Пятровіч раней працаваў начальнікам упраўлення культуры Мінгарвыканкама, потым — у розных месцах у сферы культуры. Апошняя па часе праца — галоўны адміністратар у тэатры оперы і балета.