Beyonce атрымала шэсць прэмій «Грэмі»
У Лос‑Анджэлесе прайшла 52‑я цырымонія ўручэння «Грэмі».
![]() daylife.com |
Спявачка Beyonce стала ўладальніцай шасці узнагарод. У прыватнасці, ёй дасталася статуэтка за найлепшую песню года («Single Ladies»).
У катэгорыі «Найлепшы запіс года» перамог амерыканскі гурт Kings of Leon. Найлепшым новым гуртом сташ Zac Brown Band.
Спявачка Тэйлар Свіфт атрымала «Грэмі» за найлепшы альбом («Fearless»).
Eminem перамог у дзвюх намінацыях, у тым ліку за найлепшы альбом у стылі рэп.
Lady GaGa стала лаўрэатам ў катэгорыях «Найлепшы танцавальны запіс» і «Найлепшы танцавальны альбом». Прэмію за найлепшы альбом у стылі папулярнай музыкі атрымалі The Black Eyed Peas, у стылі рок — Green Day.
Знакаміты гурт AC/DC ўпершыню атрымаў «Грэмі» ‑‑ у намінацыі «Найлепшае выкананне песні ў жанры хард‑рок».
Майкл Джэксан быў пасмяротна ўдастоены «Грэмі», прэмію выйшлі атрымліваць яго дзеці.