Рок‑гурт Scorpions аб’явіў пра завяршэнне музычнай кар’еры

Нямецкі рок‑гурт Scorpions абвясціў пра завяршэнне сваёй музычнай кар’еры пасля 40 гадоў існавання.

Запланаваны да выхаду на сакавік гэтага года альбом Sting In The Tail будзе апошнім. Потым гурт адправіцца ў развітальнае гастрольнае турнэ па ўсім свеце, якое пачнецца з канцэртаў у Нямеччынеі і працягнецца два або тры гады.

Scorpions быў створаны ў 1965 годзе ў Гановеры гітарыстам Рудольфам Шэнкерам.

За ўсю сваю шматгадовую кар’еру гуртвыпусціў 22 альбомы, якія разышліся тыражом больш як 75 млн. экзэмпляраў, што робіць яе адной з самых папулярных за ўсю гісторыю музыкі. Сярод найбольш вядомых кампазіцый Scorpions можна назваць Rock You Like A Hurricane, Big City Nights, балады Still Loving You і Wind of Change, прысвечаную новым павевам у сусветнай палітыцы, галоснасці і перабудове.

Зараз у гурт уваходзяць Клаўс Майне (вакал), Рудольф Шэнкер (гітара), Матыяс Ябс (гітара), Павел Мачывода (бас) і Джэймс Котак (ударныя).