Святло з Царграда. Па добрае, вечнае трэба выпраўляцца ў Стамбул, як гэта рабілі нашы продкі, называўшы старажытны горад Царградам, Канстанцінопалем

Адсюль, з былой сталіцы Візантыі, а цяпер Турцыі, на Беларусь прыйшла хрысціянская вера і культура. Таму невыпадкова Еўрасаюз выбраў гэты горад адной з трох культурных сталіц Еўропы 2010 года. Дзвюма іншымі сталі нямецкі Эсэн і венгерскі Печ. Эсэн — сталіца прамысловай зоны Рур. Але “сталічны” статус пашырыцца на ўсе паселішчы Рурскай вобласці, дзе працуюць 120 тэатраў, 100 канцэртных залаў і 200 музеяў. Печ жа славуты тым, што існуе з антычных часоў, пра што сведчаць шматлікія помнікі на вуліцах горада.