Выйшла ў сьвет аўдыёкніга Міколы Ермаловіча

Источник материала:  
28.12.2009 — Новости Культуры
Выйшла ў сьвет аўдыёкніга Міколы ЕрмаловічаВыйшла ў сьвет аўдыёкніга Міколы Ермаловіча «Беларуская дзяржава Вялікае Княства Літоўскае». Яна выдадзена кампаніяй «БелТонМедыя». Галоўную працу знанага беларускага дасьледчыка чытае тэатральны пэдагог прафэсар Андрэй Каляда. Цягам дваццаці з паловай гадзінаў слухач мае магчымасьць пачуць праўдзівую гісторыю беларускай дзяржавы ў Ермаловічавым выкладзе.Мікола Ермаловіч — гісторык, публіцыст, крытык і літаратуразнаўца. Яго шматлікія самвыдатаўскія тэксты ў 70-80-я гады мінулага стагодзьдзя нелегальна распаўсюджваліся па Беларусі пад назовам «Гутаркі» ў машынапісных копіях.

Гэтымі паэтычнымі і празаічнымі творамі і пазьнейшымі фундамэнтальнымі дасьледчыцкімі працамі «Па сьлядах аднаго міта», «Старажытная Беларусь», «Беларуская дзяржава Вялікае Княства Літоўскае» Мікола Ермаловіч запачаткаваў новую беларускую рамантычную гістарыяграфію.

Ён фактычна стварыў альтэрнатыўную афіцыйнай расейскай і савецкай гісторыю Беларусі, у якой сьцьвярджаў тысячагадовую самастойнасьць беларускай дзяржавы. Незалежная Беларусь адзначыла ў 1992 годзе навуковы і грамадзянскі чын Міколы Ермаловіча Дзяржаўнай прэміяй.

Апошнія дні славутага навукоўца былі самотнымі і трагічнымі. Асьлеплы і адзінокі, 5 сакавіка 2000 году ён загінуў на менскай вуліцы пад коламі аўтамабіля.
 (оригинал новости)
←Беларускі віртуальны фотаальбом амерыканскага дыпламата

Лента Новостей ТОП-Новости Беларуси
Яндекс.Метрика