У галерэі “Ў” — “Малабюджэтны рай”

У сталічнай галерэі сучаснага мастацтва «Ў» адкрылася выстава-інсталяцыя мастачкі па ляльках Ганны Балаш і фотамастакоў Аляксея Андрэева і Данілы Парнюка «Малабюджэтны рай».Гэта адкрытая інсталяцыйная прастора, якая адлюстроўвае падрыхтоўку да сьвяткаваньня Калядаў і Новага году. На некаторых сьценах — напісаныя вугалем роздумы аўтараў пра сьвята. І кожны можа ўзяць у руку вугельчык і дамаляваць свой вобраз шчасьця і сьвята.