СЫСтэма

Выйшаў паэтычны трыб"ют Анатолю Сысу, зборнік вершаў, прысвечаны творцу, чыёй асобна ўзятай пухкай душы было зацесна ў гэтым няўтульна-прыземленым свеце-камуналцы.

У нашых культурных каардынатах Сыс — кропка зборкі. Ён — ікона, і таму як вынік, ягоныя жыццё і смерць — крыніца натхнення, мала не абавязковая тэма паэтычных практыкаванняў для цэлага шэрагу айчынных паэтаў. Вось жа, Анатолю Сысу даюць павагу: Рыгор Барадулін, Адам Глобус, Алег Мінкін, Леанід Галубовіч, Алег Мінкін і Міра Лукша.

Ягамосьць: вершы-прысвячэньні Анатолю Сысу (бібліятэчка часопісу «Дзеяслоў»). уклад Сяржук Сыс. — Мінск: Медысонт, 2009. — 80 ст. 200 ас.