Беларускі рэп: Vinsent — «Працягваю жыць»

Беларускі рэпер Vinsent прэзэнтаваў свой дэбютны кліп на песьню «Працягваю жыць». Відэа здымалі цягам месяца. Імкненьне было зрабіць ролік, як мага больш дынамічным: «Там было многа сцэнаў, шмат здымачных пляцовак. Відэа здымалі ўласнымі сіламі. Улічваючы нашыя магчымасьці, вынік можна лічыць станоўчым». Музыкант зьбіраецца працягнуць справу відэаўвасабленьня сваіх твораў. У задумках — кліп на песьню «Восеньскі вальс», які мае быць «яшчэ больш якасным».