Юра Дземідовіч на дзіцячым «Еўрабачанні» выступіць пад 12‑м нумарам

Удзельнік ад Беларусі на дзіцячым «Еўрабачанні‑2009» Юра Дземідовіч выступіць 12‑м.

Гэты парадкавы нумар дастаўся яму згодна з вынікамі лёсавання, што прайшло сёння ў Кіеве.

Першай на сцэну Кіеўскага палацу спорту выйдзе шведская зорачка Міме Сандэн. Права закрыцця цырымоніі дасталася прадстаўніцы Македоніі Сары Маркоўскі.

Месцы з 2‑га па 11‑е размеркаваліся наступным чынам: Расія, Арменія, Румынія, Сербія, Грузія, Нідэрланды, Кіпр, Мальта, Украіна, Бельгія.

Конкурс «Дзіцячае Еўрабачанне» пройдзе 21 лістапада ў Кіеве.

Юра Дземідовіч перамог на айчынным конкурсе з песняй «Чароўны трусік».