Партызанскімі шляхамі Пятра Касцюкевіча

Хутка ў Вялікасельскай ДС—СШ адкрыецца выстава работ нашага зямляка, мастака Пятра Касцюкевіча. Гэта стане магчыма дзякуючы намаганням былой настаўніцы Германавіцкай школы, вядомай краязнаўцы Ады Эльеўны Райчонак. Ідэю зрабіць экспазіцыю нашага славутага зямляка падтрымаў дырэктар Вялікасельскай ДС—СШ Юрый Часлававіч Матуль.

Пётр Пятровіч Касцюкевіч нарадзіўся 27 ліпеня 1926 года ў вёсцы Шыці. Мастак, літаратар. Удзельнік Вялікай Айчыннай вайны. У 1939 годзе закончыў Шаркаўшчынскую сямігодку. Вучыўся ў мастацкай студыі малюнка і жывапісу Карэльскага Дома народнай творчасці ў Петразаводску, на аддзялені выяўленчага мастацтва пры Усесаюзным Доме народнай творчасці імя Крупскай у Маскве. Аўтар шматлікіх мастацкіх работ і вершаў.

Аляксандр БАРЫЛА.