Дзмітрый Лукашэнка за рулём "БелАЗа"

Сярэдні сын кіраўніка Беларусі зараз знаходзіцца з візітам у Кемераўскай вобласці Расіі. У Кузбас ў сераду прыбыла афіцыйная дэлегацыя Рэспублікі Беларусь.

Афіцыйна, дэлегацыя прыехала абмяркоўваць перспектывы супрацоўніцтва ў сферы цяжкага машынабудавання. Дзмітрый Лукашэнка зазначыў: "Пачуваюся як бы на тэрыторыі Рэспублікі Беларусь тут на кузбаскай зямлі. Вядома, нічога не скажаш, такія маштабы! Я думаю, што пастаўкі "БелАЗаў" у гэты край будуць як мага большымі. Мяркую, што гэта прынясе карысць не толькі кузбаскай зямлі, але і Беларусі, адназначна".